A woman's veil Lack of honor

 A veiled woman is a sign of a proud father, proud brother, proud husband and proud family. Indecency tarnishes everything and modesty beautifies it. If we study the history, we will have a good idea that before Islam, in the era of Jahiliyyah, the Arab society was seen without veil and hijab. It was common for women to show beauty and modesty. It was not considered a defect, but when the religion of Islam made its holy and pure step in the world, all evils were eliminated and the veil was made mandatory for women so that rudeness, shamelessness and indecency do not spread in the society, and the society is clean. Stay beautiful. Islam gave the woman the right to live in the world. She gave a great relationship like mother, daughter and sister.

Allah Almighty has kept a blessing for the veiled woman, then why women are putting their ego and integrity at stake by being naked. The veil is a sign of shame and modesty for a woman and also a great gift from Allah. Unveiling has destroyed the dignity and integrity of women in such a way that the word of piety and chastity has become meaningless. The crown of a woman's chastity is the hijab, the beauty of a woman is in modesty, the status of a woman is in high morals, the protection of a woman is in the veil. It is to bestow the wealth of greatness and to protect men from thoughtlessness and emotions. What a complete and comprehensive system Islam has given to the social Muslims for reforming the society and preventing evil and immorality, but unfortunately there is no glimpse of this system in our society today.

Most of the people blame the parents and media for women's nakedness. This is not wrong, but it is not their fault because there are many girls who wear hijab in their parents' house, but their so-called husbands remove their hijab because they feel ashamed of the veil. If the main reason for the deterioration of the society is non-hijab, then it also includes men. Because the biggest responsibility of covering a woman's veil is also imposed on a man. If a woman is to be reformed, then the reformation of a man is also necessary so that he accepts his responsibility. If a woman is a temptation, then men have an equal share in making her a temptation. Therefore men cannot absolve themselves from this responsibility whose wife wears hijab and his daughter also wears hijab. But alas! Lack of honor is the main reason for the bad state of our society. We are becoming very numb and shy. We should know that a nation whose character is devoid of honor is like a dead animal.

Today it is said that the world is developing. To display a woman's bun, to show fashion, this is progress,? Walking in parks, streets and markets wearing western-style clothes Walking in schools and colleges is an example of which development? The inventions and innovations of the present century have made life very comfortable, but have also changed the lifestyle of people. In the name of freedom, nakedness and nakedness in the name of development have been made their slogans. Considering this beautiful and impure color and air coming from the west as the beautiful color of the rainbow, Muslim women have adapted themselves to it. Western civilization has captured their thoughts and consciousness. Even women are participating in every field of life alongside men. The number of women in the offices is also increasing rapidly. Moreover, secular education is also given in schools, colleges and universities, but no attention is paid to religious education. Tutoring from men has become the fashion of today with many young male teachers. This removes the hesitation of the girls to talk to the non-mahram and thus builds a bond with the teacher by meeting them on a daily basis. In our religion, there is a clear distinction between Muharram and Non-Muharram. In Islam, veil whether it is for eyes, voice or covering the face, but veil has been declared very important. In fact, the greatness of a woman is in the veil. Half percent of women in our society seem to give importance to veil and also benefit from the benefits of veil in their daily life. Women who veil should be proud of themselves because there are many books in the world but only the Holy Quran is covered. It is kept in the veil.

It should be clear that a woman goes around displaying her beauty in the name of progress and freedom and the so-called Muslim who stops her, whether it is a brother, father or husband, encourages her. These modern people who own the so-called secular thought. Those who consider the veil as an evil and stereotypical thing should know that veiling and immorality are the signs of ignorance, and the veiling of a woman is not only a cause of social destruction, but also a cause of displeasure to Allah and His Messenger. and that's why Muslims are suffering from moral and social degradation day by day and are worried in the world.

Freedom does not mean that a woman becomes promiscuous

Fashion is not that the woman should be naked

There is a dire need for our Muslim brothers to wake up from their slumber, who have given free rein to their wives, daughters and sisters to see what they want and hear what they want, influenced by the storm of misogyny brought by the westernized media. Go out of your homes whenever and wherever you want and meet whomever you want. We remind them that they are responsible for their families and they will be questioned about this responsibility on the Day of Resurrection. . As the Messenger of Allah, may God bless him and grant him peace, said: Every one of you is responsible and every person will be questioned about his responsibility, and a man is responsible for his family and also for his family. The question will be asked about the responsibility. And the woman is responsible in her husband's house and she will also be asked about her responsibility... so every one of you is responsible and everyone will be asked about his responsibility. Questions will be asked about responsibility. So Muslims! Realize this responsibility and make your wives, sisters and daughters bound by the Islamic teachings that were made lawful for their protection.

Can women improve the domestic conditions with their own talent???

     More than half percent of women in the society are victims of domestic violence. If you look at the society, you will find pain, problems, anxiety, depression and despair in every other women's life. Which is very important for women to avoid. Therefore, the only way to get rid of worries and thoughts is women, keep your mind busy in some constructive work so busy that you don't even have time to think whether you are happy or unhappy. Must keep. 

    The first thing is that the busyness should be of such a nature that it keeps both your mind and body busy. Remember that these engagements should be positive and constructive. For example, working for someone, being a part of a social activity, writing an article, giving time to children or husband, treating parents well, solving the problems of relatives, taking action in the collective interest of the neighborhood, etc. Included. Apart from these there are numerous activities that you can choose according to your taste.

ہنر مند خواتین اپنی تخلیقی صلاحیتوں سے گھریلوحالات کو بہتر بنا ئیں

معاشرے میں نصف فیصد سے زیادہ خواتین گھریلو تشدد کا شکار ہے۔ اگر معاشرے کا جائزہ لیں تو ہر دوسری خواتین کی زندگی میں تکلیفیں، پریشانیاں، اضطراب، ڈپریشن اور مایوسی نظر آئیں گی۔ جن سے بچنا خواتین کے لئے ازحد ضروری ہے۔  اس لئے پریشانیوں اور تفکرات سے نجات کا واحد طریقہ یہ ہے خواتین اپنے ذہن کو کسی تعمیری کام میں مصروف رکھیں اتنا مصروف کہ یہ سوچنے کا بھی وقت نہ ہو کہ ”آپ خوش ہیں یا ناخوش۔“ مصروفیت کے لئے چند اہم نکات کو ذہن میں رکھنا ضروری ہے۔ پہلی بات یہ کہ مصروفیت اس نوعیت کی ہو کہ اس سے آپ کا ذہن اور جسم دونوں مصروف رہیں۔ یاد رہے یہ مصروفیات مثبت اور تعمیری ہو۔ مثال کے طور پرکسی کے کام آ جانا، کسی سماجی سرگرمی کا حصہ بننا، کسی تحریر کا لکھنا،بچوں  یا شوہر کو وقت دینا، ماں باپ سے نیک سلوک کرنا، رشتے داروں کے مسائل نبٹانا، محلے کے اجتماعی مفاد میں اقدام کرنا، وغیرہ شامل ہیں۔ ان کے علاوہ بھی بے شمار سرگرمیاں ہیں جو آپ اپنے ذوق کے مطابق منتخب کرسکتی ہیں۔

فی لحال ملک میں بڑھتی مہنگائی اور بے روزگاری کا مسئلہ ہر طبقے کو متاثر کررہاہے اور ظاہر ہے کہ خواتین بھی اس حوالے سے فکر مند رہتی ہیں۔ خواتین کی بڑی تعداد سرکاری اور نجی اداروں میں ملازمت کر کے اپنے گھر کے سربراہ کا ہاتھ بٹا رہی ہیں یا بعض خاندانوں میں عورت ہی واحد کفیل ہے۔ تاہم ہر عورت ملازمت کے لیے گھر سے باہر نہیں نکل سکتی اور مختلف وجوہ کی بنا پر صبح سے شام تک ملازمت  کرنا اس کے لیے آسان نہیں۔اگر انہیں ایسا پلیٹ فارم میسر آجائے جو کسی شعبے میں ان کی تربیت کرتے ہوئے باوقار اور باعزت روزگار کا وسیلہ بنے تو نہ صرف گھروں میں بیٹھی تعلیم یافتہ بلکہ غیر تعلیم یافتہ خواتین بھی انفرادی طور پر اپنے حالات میں تبدیلی لا کر خاندان کے تمام افراد کے طرزِ زندگی کو بہتر بنا سکتی ہے۔

سب سے پہلے آپ باقاعدگی کے ساتھ مصروف معمولات میں سے کچھ وقت نکال کر وہ کام کریں جو آپ بے پناہ مصروفیت میں بھی کرنا چاہتی ہیں۔ ایسے کام جو آپ کی تخلیقی صلاحیتوں کو ابھاریں جیسا کہ باغبانی، ہاتھ سے ڈیکوریشن کی اشیا بنانا، بچوں کے کپڑوں اور خواتین کے ملبوسات کی تیاری، سلائی کڑھائی، بنائی کا کام، گھریلو آرائشی اشیاء کی تیاری، جیولری اور پلاسٹک کی اشیاء کی تیاری، لفافے بنانا اور مختلف اشیاء کی پیکنگ کا کام گھر میں کرنا، وغیرہ۔  اس کے علاوہ جو خواتین کم پڑھی لکھی ہیں مگر کھانا اچھا بنا لیتی ہے تو وہ اپنے گھروں میں ’ہوم میڈ فوڈ سروس‘ کا آغاز کر سکتی ہے۔ مختلف اقسام کے کھانے تیار کر کے مختلف دفاتر اور فیکٹریوں میں بھجوا سکتی ہیں۔ جو لوگ گھر کے کھانے کو باہر کے کھانوں پر ترجیح دیتے ہیں ان کے لیے یہ کھانے نعمت ثابت ہوتے ہیں۔ جو نہ صرف سستے مل جاتے ہیں بلکہ ذائقے دار بھی ہوتے ہیں۔علاوہ ازیں جو خواتین گھر میں اچار بنانے میں ماہر ہیں  وہ مارکیٹوں میں ہول سیلرز اور سپر اسٹورز کے مالکان کو فروخت کر سکتی ہیں۔

اسی طرح وہ خواتین جو گھر میں تنہا رہتی ہیں اپنے گھر کو ”ڈے کیئر سینٹر“ کا روپ دے کر اپنے کام کا آغاز کرسکتی ہیں۔ جہاں ملازمت پیشہ مائیں، بلا خوف و خطر اور بلا جھجھک اپنے بچوں کو چھوڑ کر سکون سے کام پر جاسکتی ہیں۔ یہ علاقے کی خواتین کے لیے بہت مناسب ثابت ہوسکتا ہے۔ پھر آگے چل کر آس پاس کے علاقوں یا دوسرے محلوں کی خواتین بھی اس ”ڈے کیئر سینٹر“ سے استفادہ کرسکیں گی۔ بچوں کی تعداد بڑھ جانے کی صورت میں خواتین ملازم بھی رکھی جاسکتی ہیں یوں دوسری خواتین کو بھی روزگار مل سکے گا۔  اس کے علاوہ ایسی بہت سی خواتین ہیں جو اپنے گھر میں بوتیک کا کام، بیوٹی پارلر کا کام اور ٹیوشن سینٹرز بڑے آرام سے چلاسکتی ہیں۔ ان کاموں سے انہیں معقول آمدنی بھی ہو گی اور محلے کی خواتین کو سہولت بھی فراہم ہوجائے گی۔ آس پڑوس میں اپنی خواتین بہنوں کی ضرورت کا بھی خیال رکھیں۔ اگر کوئی صاحب حیثیت خواتین  ہے تو انہیں بھی چاہئے کہ وہ اپنے علاقے کی ؎ ہنرمند خواتین کے لئے ’خواتین میلہ‘ کا انعقاد کرے۔جس میں سلائی کڑھائی، بچوں اور بڑوں کے ملبوسات، جیولری اور ہاتھ سے بنی ہوئی اشیاء اور ساتھ ہی کھانے پینے کے اسٹال بھی ہوں۔ درجن بھر اسٹال سجائے جائیں اور ہر اسٹال گویا ہنر کا ایک مکمل نمونہ دکھائی دے۔ ۔۔لوگ دیکھتے رہ جائیں۔۔۔ کہ فن کا یہ مظاہرہ  فقط صنف نازک کی دست کاری ہے، کسی مشین کا نمونہ نہیں۔  اگر خواتین اسی طرح معاشی خود کفالت کی جانب اپنے قدم بڑھاتی رہیں تو اپنے حقوق کے حصول کے لیے ان کی جدوجہد معاشرے میں ایک بڑی تبدیلی کا سبب بھی بن سکتی ہے۔

معاشرے میں خواتین کا خود کفیل ہونا بہت ضروری ہے۔ ضروریات زندگی اور مہنگائی یہ تقاضہ کرتے ہیں کہ خواتین باہنر بنیں، اپنے گھر کو سنبھالنے میں مردوں کی مدد کریں اور اپنے بچوں کو تعلیم سے مالا مال کریں۔ کیونکہ معاشرہ اسی خواتین کو مثالی سمجھتا ہے جو اپنی گھریلو ذمہ داریوں کو ادا کرتے ہوئے خاندان کے ادارے کو منظم رکھتی ہیں اور اسے مضبوط کرتی ہیں۔ معاشرے میں ایسی بہت سی تنظیمیں ہیں جو خواتین کے لئے کام کر رہی ہیں۔ انہیں چاہئے کہ وہ خواتین کیلئے تربیتی ادارے،شارٹ کورسیز اور گھریلو دست کاریوں کے مراکز قائم کریں جن سے گھریلو خواتین اور لڑکیاں استفادہ حاصل کریں۔ بلا شبہ ہماری خواتین ذہانت، قابلیت، اہلیت اور کارکردگی میں کسی سے کم نہیں ہیں۔وہ اپنی صلاحیت کے بل بوتے پرمعاشرے میں اپنا مقام بنا لے گی۔ کیونکہ اس معاشرے میں جنم لینے والی امید کی نئی کرن کو تقویت دینے اور ایک روشن مستقبل کے خواب کو حقیقت میں بدلنے کے لیے صرف ایک چیز کی ضرورت ہے، اور وہ یہ ہے کہ خواتین کو ہراول دستے میں ان کا کردار ادا کرنے دیا جائے، ایسا ماحول پیدا کیا جائے جہاں وہ اپنی تخلیقی صلاحیت کو بروئے کار لا سکیں۔ قابلیت اور صلاحیت ہی ہمارے بہتر معاشرے کی ضمانت ہے۔

نوشین انصاری

عورت کا پردہ غیرت کا فقدان

    باپردہ عورت غیرت مند باپ،غیرت مند بھائی، غیرت مند شوہراور غیرت مند خاندان کی نشانی ہوتی ہے۔ بے حیائی ہر شے کو داغدار بنا دیتی ہے اور شرم و حیاء اْسے زینت عطا کرتی ہے۔ اگر ہم تاریخ کا مطالعہ کریں تو ہمیں بخوبی اندازا ہوگا کہ اسلام سے قبل زمانہ جاہلیت میں عربوں کا معا شرہ ستر و حجاب سے خالی نظر آتا تھا عورتوں میں نمائش حسن ِ نزاکت عام تھی،اپنی ذات کوفیشن سے پرْ کر لینا، اس میں کوئی عیب نہیں سمجھا جاتا تھا، مگر جب دْنیا میں مذہبِ اسلام نے اپنا مقدس و پاکیزہ قدم رکھا تو تمام برائیاں ختم کردیں اور پردہ کو عورت کے حق میں لازم قراردیدیا تاکہ معاشرے میں بے ادبی، بے شرمی و بے حیائی نہ پھیلے، اور معاشرہ صاف ستھرا رہے۔ اسلام نے عورت کو دنیا میں جینے کا حق دیا.ماں،بیٹی اور بہن جیسا عظیم و شان رشتہ عطا کیا۔ 

اللہ تعالیٰ نے پردہ عورت کے لئے ایک نعمت رکھی ہے،پھر عورتیں کیوں بے پردہ ہو کر اپنی انا و عصمت کو داؤ پر لگا رہی ہیں۔ پردہ ہی تو ہے جو عورت کے لئے شرم و حیا کی علامت ہے اور اللہ کی طرف سے تحفہئ عظیم بھی۔ بے پردگی نے عورت کی عزت وعصمت کو اس طرح برباد کردیا ہے کہ پارسائی اور پاکدامنی کا لفظ بے معنی ہو کر رہ گیا ہے۔ عورت کی پاکدامنی کا تاج حجاب، عورت کی خوبصورتی حیاء میں ہے، عورت کا رتبہ بلند اخلاق میں ہے عورت کا تحفظ پردے میں ہے پردے کا مقصدخواتین کو غلامی کی زنجیروں میں جکڑنا یااْن کی تمناؤں کا خون کرنا نہیں ہے بلکہ اْس کو عزت وعصمت و عظمت کی دولت سے نوازنا ہے اور مردوں کو بے خیالات و جذبات سے بچانا ہے۔ اسلام نے معاشرے کی اصلاح اور برائی و بے حیائی کی روک تھام کے لیے کیسا مکمل اور جامع نظام معاشرتی مسلمانوں کو دیا ہے لیکن بد قسمتی سے ہمارے معاشرے میں آج اس نظام کی کوئی جھلک نظر نہیں آتی۔

. اکثر لوگ عورت کی بے حجابی کا ذمہ دار والدین اور میڈیا کو ٹھہراتے ہیں۔ یہ بات غلط بھی نہیں مگر یہاں سارا قصور ان کا بھی نہیں کیونکہ کئی لڑکیاں جو والدین کے گھر میں حجاب اوڑھتی ہیں مگر ان کے نام نہاد شوہر ان کا حجاب اتروا دیتے ہیں کیونکہ پردے سے ان کو شرم محسوس ہوتی ہے۔ اگر معاشرے کے بگاڑ کی بڑی وجہ بے حجابی ہے تو اس میں مرد حضرات بھی شامل ہے۔ کیونکہ عورت کے پردہ کرنے کی سب سے بڑی ذمہ داری مرد پر بھی عائد ہوتی ہے۔ عورت کی اصلاح کرنی ہے تو مرد کی اصلاح بھی ضروری ہے کہ وہ اپنی ذمہ داری قبول کرے۔ عورت فتنہ ہے تو اس کو فتنہ بنانے میں مردوں کا بھی برابر کا حصہ ہے۔ لہذا مرد اپنے آپ کو اس ذمہ داری سے بری الذمہ قرار نہیں دے سکتے جس کی بیوی با حجاب ہوگی اس کی بیٹی بھی باحجآب ہوگی۔ مگر افسوس! ہمارے معاشرے کی بری حالت کی خاص وجہ غیرت کا فقدان ہے۔ ہم نہایت بے حس اور شرم سے دور ہوتے جا رہے ہیں۔ ہمیں یہ علم ہونا چاہئے کہ جس قوم کے کردار سے غیرت غائب ہو جائے تو وہ ایک مردہ جانور کی مانند ہے۔ 

آج کہا جاتا ہے کہ دنیا ترقی کر رہی ہے۔ عورت کا بن سنور کر نمائش کرنا، فیشن کا مظاہرہ کرنا یہ ترقی ہے،؟ مغربی طرز کے کپڑے پہن کر پارکوں، گلیوں اور بازاروں میں پھرنا اسکول وکالجوں میں پھرنا یہ کون سی ترقی کی مثال ہے؟ موجودہ صدی کی ایجاد و اختراع نے جہاں زندگی کوبہت حد تک پرْ آسائش بنا دیا ہے وہیں لوگوں کی لائف اسٹا ئل کو بھی بدل کے رکھ دیا ہے۔ آزادی کے نام پر بے پردگی اور ترقی کے نام پر بے حجابی اور عریانیت کو اپنا شعار بنالیا۔ مغرب کی طرف سے آنے والی یہ خوبصورت و ناپاک رنگ و ہوا کو قوس قزح کا خوبصورت رنگ سمجھ کر مسلم عورتوں نے اپنے آپ کو اس میں ڈھال لیا ہے۔ مغربی تہذیب نے ان کے فکرو شعور پر اپنا قبضہ جمالیا ہے۔ یہاں تک کہ خواتین مردوں کے شانہ بشانہ زندگی کے ہر میدان میں حصہ لے رہی ہیں۔ دفتروں میں بھی خواتین کی تعداد بہت تیزی سے بڑھ رہی ہے۔علاوہ ازیں اسکول و کالج اور یونیورسٹیوں میں دنیاوی تعلیم بھی دی جاتی ہے، مگر دینی تعلیم پر کوئی توجہ نہیں دی جاتی۔ مرد حضرات سے ٹیوشن پڑھنا آج کے دور کا فیشن بنا ہوا ہے جس میں کثرت سے نوجوان مرد استاد حضرات ہیں۔ اس سے لڑکیوں کی نامحرم سے بات کرنے کی جھجک ختم ہورہی ہے اور اس طرح استاد سے روز بروز ملنے سے تعلق استوار ہورہے ہیں۔ ہمارے مذہب میں محرم اور نا محرم میں واضح فرق بیان کیا گیا ہے۔ اسلام میں پردہ چاہے آنکھوں کا ہو، آواز کا ہو یا چہرہ ڈھاپنے کا لیکن پردہ بہت ضروری قرار دیا گیا ہے۔ در حقیقت عورت کی عظمت پردے میں ہی ہے۔ ہمارے معاشرے میں نصف فیصد خواتین پردے کو اہمیت دیتی نظر آتی ہیں اور اپنی روز مرہ کی زندگی میں پردے کے فوائد سے فائدہ بھی اٹھاتی ہیں۔ جو عورتیں پردہ کرتی ہیں انہیں اپنے آپ پر فخر ہونا چاہیے کیونکہ دنیا میں بہت سی کتابیں ہیں مگرغلاف صرف قرآنِ پاک کو ہی چڑھا یا جاتا ہے دنیا میں کثیر تعداد میں عورتیں ہیں مگر پردہ صرف مسلمان عورت ہی کرتی ہے یعنی ہمیشہ عزت والی چیزوں کو ہی پردے میں رکھا جاتا ہے۔

واضح ہو کہ عورت ترقی اور آزادی کے نام پر اپنے حسن و زیبائش کی نمائش کرتی پھرتی ہے اور اسے روکنے والا نام نہاد مسلمان چاہے بھائی ہو باپ ہو یا شوہر ہو اس کی حوصلہ افزائی کرتا ہے۔یہ نام نہاد سیکولر سوچ کے مالک ماڈرن لوگ جو پردے کو برائی اور دقیانوسی شے سمجھتے ہیں ان کو پتا ہونا چاہیئے کہ بے پردگی اور بے حیائی دور جاہلیت کی نشانیاں ہیں اور عورت کا بے پردہ ہونا نہ صرف معاشرتی تباہی کی وجہ بنتا ہیں بلکہ اللہ اور اس کے رسول کی ناراضگی کا بھی باعث بنتا ہے اور اسی لئے مسلمان روز بروز اخلاقی اور معاشرتی پستی کا شکار ہو کر دنیا میں پریشان ہیں۔ 

؎  آزادی یہ نہیں کہ عورت بے حیا ہو جائے

   فیشن یہ نہیں کہ عورت بے قبا ہو جائے

ہمارے ان مسلمان بھائیوں کو نیند سے بیدار ہونے کی اشد ضرورت ہے جو مغرب زدہ ذرائع ابلاغ کے لائے ہوئے طوفانِ بد تمیزی سے متاثر ہو کر اپنی بیویوں، بیٹیوں اور بہنوں کو کھلی چھوٹ دے رکھی ہے کہ وہ جو چاہیں دیکھیں اور جو چاہیں سنیں اور جب چاہیں اور جیسے چاہیں اپنے گھروں سے باہر چلی جائیں اور جس سے چاہیں ملاقاتیں کرتی رہیں۔ہم انہیں یاد دلاتے ہیں کہ وہ اپنے گھر والوں کے ذمہ دار ہیں اور قیامت کے روز ان سے ان کی اس ذمہ داری کے متعلق سوال کیا جائے گا۔ جیسا کہ رسول اللہ صلی اللہ علیہ وسلم کا ارشاد گرامی ہے: تم میں سے ہر شخص ذمہ دار ہے اور ہر شخص سے اس کی ذمہ داری کے متعلق پوچھ گچھ ہو گی اور آدمی اپنے گھر والوں کا ذمہ دار ہے اور اس سے بھی اس کی ذمہ داری کے متعلق باز پرس کی جائے گی۔اور عورت اپنے خاوند کے گھر میں ذمہ دار ہے اور اس سے بھی اس کی ذمہ داری کے بارے میں پوچھا جائے گا … سو تم میں سے ہر شخص ذمہ دار ہے اور ہر شخص سے اس کی ذمہ داری کے متعلق سوال کیا جائے گا۔ لہذا مسلمانو! اس ذمہ داری کا احساس کرو اور اپنی بیویوں، بہنوں اور بیٹیوں کو ان اسلامی تعلیمات کا پابند بناؤ جو کہ ان کے تحفظ کے لئے جائز کی گئی۔

نوشین انصاری

بچے ہماری قوم کا مستقبل اور سرمایہ ہیں

    ہندوستان مسائل کا گہوارہ بن چکا ہے۔ آئے دن عجیب و غیریب مشکلات سے عوام کو سامنا کرنا پڑ رہا ہے۔ ہمیں یہ بات فراموش نہیں کرنی چاہیے آج بی جے پی بر سر اقتدار آئی ہے تو یہ اس کی انتھک کوششوں کا نتیجہ ہے۔ وہ مسلسل اپنے نظریات کو پھیلانے میں لگی ہے چوں کہ وہ مسلمانوں کے خلاف ہے۔ مسلمانوں کے روزگار سے لے کر تعلیم و ترقی کی راہ میں رکاوٹ پیدا کر رہی ہے۔ جس کے نتیجے میں مسلم قوم قدم بہ قدم تباہی کی راہ پر گامزن ہے۔ مسلمان آج بھی پسماندہ، پچھڑا اور دوسرے درجے کے شہری کی مانند زندگی گزارنے پر مجبور ہے۔ اس لیے ایسے ماحول میں ضروری ہوجاتاہے کہ بچوں کی تعلیم و تربیت کی طرف بھرپور توجہ دی جائے کیوں کہ بچوں کا ذہن کورے کاغذ کی طرح ہوتا ہے۔ یہی بچے ہمارا مستقبل اور کل سرمایہ ہیں۔ آج حالات جس تیزی سے بدل رہے ہیں اس کے پیشِ نظربچوں کے بہترین مستقبل کے لئے عملی اقدامات میں تیزی لانے کی ضرورت ہے۔ اگر ہم نے اس سلسلے میں مزید کوتاہی کی تو لمحوں کی خطا سے صدیوں کی سزائیں ہمیں بھگتنی پڑیں گی۔سو اگر ہمیں تمنا ایک ایسا معاشرہ تخلیق کرنے کی ہے جو یقیناَ مسلم قوم کا مستقبل ہے جو ان باتوں کو سیکھیں ان پر عمل کریں اور معاشرہ کو نئی بلندیوں پر لے جائیں۔ کسی معاشرے کی یا قوم کی ترقی کا انحصار علم پر منحصر ہوتا ہے۔ اب سوال یہ ہے معاشرہ کی ترقی و خوشحالی جن بچوں سے وابستہ ہے کیا ہم ان نونہالوں میں علم کی تڑپ اور لگن پیدا کررہے ہیں؟ والدین یہ سمجھتے ہیں کہ بچوں پر کتابیں لاد کر، انہیں ان کتابوں میں لکھے سیاہ حروف رٹا کر ہم نے ان میں علم کی طلب پیدا کر دی ہے۔ ثبوت کے طور پرا سکور کارڈ اور ڈگریاں دکھائی جاتی ہیں۔والدین کو طے کرنا ہو گا وہ اپنے بچوں کو عصری اور دینی تعلیم دونوں سے آراستہ کریں۔لہذٰا گرمی کی چھٹیوں کے دنوں کو بالکل بھی ضائع نہ ہونے دیں اسے بچوں کے لئے مؤثر بنائیں۔

گرمیوں کی چھٹیاں شروع ہو چکی ہیں اسکامطلب بہت سی تفریح اور مزہ کرنا ہے۔ بچوں کی خوشی کی انتہا ہی نہیں۔ ایسے میں والدین کے اوپر ایک اور اہم ذمہ داری آن پڑی کہ کس طرح اپنے بچوں کی چھٹیوں کو کارآمد  بنائیں۔ والدین کو چاہیے کہ چھٹیوں میں بچوں کو غیر متعلق اور مضر چیزوں سے دور رکھیں۔ روزانہ کا ایک ٹائم ٹیبل بنائیں نمازوں کی پابندی کی عادت ڈلوائیں۔ قرآنِ کریم کی تلاوت، صحابہئ کرام اور اولیائے کرام کے حالاتِ زندگی بتائیں تاکہ وہ ان کو سن کر اور پڑھ کر سبق حاصل کریں۔ آسان احادیث یاد کروائیں۔ بچوں کو زندگی گذارنے میں سنجیدگی کے طریقے بتائیں۔ ان کو غیر ضروری آزادی سے بچائیں۔ سستی و کاہلی سے دور کریں۔ صحیح دینی و اسلامی عقائد سکھائیں تاکہ وہ بد عقیدگی کے زہر سے محفوظ رہ سکیں۔ مختلف قسم کے مفید شارٹ ٹرم کورسیز میں داخل کرائیں۔آؤٹ ڈور سرگرمیوں سے متعارف کروائیں۔لڑکیوں کو بھی سلائی کڑھائی، کشیدہ کاری، اور دیگر پیشہ وارانہ مختصر مدتی کورس کروائیں۔ تعلیمی اداروں اور انجمنوں کے ذریعے بچوں کے لئے سمر کیمپ لگوائیں۔ سمر کلاسیس میں شریک سبھی بچوں کو کم از کم سرٹیفکٹ ضرور دیں تاکہ دوسرے بچے بھی ایسے تربیتی کیمپوں میں داخلہ لینے کی طرف متوجہ ہوں۔ 

کچھ والدین کی سوچ بھی عجیب ہوتی ہے جو بچوں کو صرف پڑھائی میں الجھا کر رکھتے ہیں اور انہیں دنیا کی دیگر چیزوں کا پتہ نہیں لگنے دیتے جس سے بچہ نصابی کتب کے متعلق تو سب جانتا ہے لیکن اس کا جنرل نالج بہت کمزو ہوتا ہے جس کا نقصان اسے عملی زندگی میں جاکر ہوتا ہے۔  والدین کو چاہیے کہ چھٹیوں میں بچوں کو نصابی اور غیر نصابی دونوں طرح کی سرگرمیوں سے روشناس کرائیں انہیں سپورٹس، سیاحت، شاعری، مصوری جیسے مشاغل بھی پڑھائی کے ساتھ جاری رکھنے دیں اس سے ان کی تخلیقی صلاحیتوں میں اضافہ ہوگا اور وہ عملی زندگی میں زیادہ کامیاب انسان ثابت ہو سکیں گے اس کے برعکس صرف پڑھائی کرنے والے بچے مشین جیسے ہوتے ہیں ان کی ساری توجہ کسی نہ کسی طرح زیادہ سے زیادہ نمبر لینے پر مرکوز ہوتی ہے۔ اس طریقے سے بچے زیادہ نمبر تو لے لیتے ہیں لیکن ان کی شخصیت کی نشوونما نہیں ہوپاتی۔ جبکہ غیر نصابی سرگرمیاں بچوں میں خود اعتمادی اور شخصیت کو نکھارنے میں اہم کردار ادا کرتی ہیں۔

بعض دفعہ دیکھا گیا ہے کہ بچے کتنے ہی ذہین کیوں نہ ہوں ان میں اعتماد کی کمی ہوتی ہے اور وہ اپنی بات کو درست طور پر نہیں بیان کر سکتے جس سے ان کے اندر چھپی ہوئی صلاحیتیں باہر نہیں آتیں۔ انہیں غیر نصابی سرگرمیوں کے ذرائع سے دوسرے بچوں سے میل جول بڑھانے کا موقع دیں آٓپس میں اکٹھے وقت گزارنے والے بچے ایک دوسرے سے بہت کچھ سیکھتے ہیں کیونکہ ہر بچے میں قدرت نے کوئی نہ کوئی خوبی رکھی ہوتی ہے اس خوبی کو نکھارنے کیلئے اس کی حوصلہ افزائی ضروری ہوتی ہے اور ایک مناسب حد میں رہتے ہوئے اگر بچے کو غیر نصابی شوق پورے کرنے کا موقع دیں تو اس کی چھپی ہوئی صلاحیتوں کو باہر نکالا جاسکتا ہے۔ دوران تربیت اس بات کا دھیان رہے کہ بچہ اگر کوئی اچھا کام کرے تو اس کی حوصلہ افزائی کے لیے اس کی تعریف سے دریغ نہیں کرنا چاہیے اس پر اُسے شاباشی اورکوئی ایسا تحفہ وغیرہ دینا چاہیے جس سے بچہ خوش ہوجائے اور آئندہ بھی اچھے کام کا جذبہ اور شوق اس کے دل میں پیدا ہوجائے۔ بچہ نرم گیلی مٹی کی مانندہوتا ہے، ہم اس سے جس طرح پیش آئیں گے، اس کی شکل ویسی ہی بن جائے گی۔ جب بچے سے کوئی غلطی ہو جائے تو اسے سمجھائیں نہ کہ ماریں اور ڈانٹیں۔ اگربچہ بار بار ایک ہی غلطی کرتا ہے تو اس کے دل میں یہ بات بٹھائیں کہ اگر دوبارہ ایسا کیا تو اس کے ساتھ سختی برتی جائے گی، اس وقت بھی ڈانٹ ڈپٹ کی ضرورت نہیں ہے، نصیحت اور پیار سے اُسے غلطی کا احساس دلایاجائے۔ یاد رہے بہت زیادہ سختی اور بہت زیادہ نرمی بھی بعض اوقات بگاڑ کا سبب بنتی ہے۔ والدین چاہئے کہ وہ بچوں کی تربیت کے ساتھ ساتھ اپنے رویوں، لہجوں اور طریقہ کار میں تبدیلی پیدا کر کے بچوں کی پرورش آسان اور فطرت کے مطابق کریں۔

گرمی کی چھٹیاں بچوں کیلئے نعمت ہیں اگر ان چھٹیوں کا استعمال درست ہو تو ان کی جسمانی و ذہنی نشوونما میں اضافہ کیا جاسکتا ہے چونکہ بچہ اپنے ابتدائی اوقات اپنے گھراور والدین کے ساتھ گزارتا ہے۔ والدین کا کردار بہت بنیادی اہمیت کا حامل ہے۔ انہیں چاہئے کہ بچوں کو اچھے اور برے کردار کی پہچان کرائیں ساتھ ہی ساتھ انہیں روزمرہ کے حالات سے واقف کرائیں۔ آج جوحکومت  ہم پر مسلط ہے ہماری نااہلی کی وجہ سے۔لہذا بچوں کی کی تعلیم اور تربیت پر خاص توجہ دیں۔ جب تک ہم ہاتھ پر ہاتھ دھرے بیٹھے رہیں گے تب تک یہ نام نہاد حکومت کی سیاسی دکانیں چلتی رہیں گی اس لئے خود بھی ان درندوں سے بچیں اور بچوں کو بھی بچائیں۔ سازگار و ناسازگار دونوں ماحول میں بچوں کی نشوونما سے ان میں خود اعتمادی، میانہ روی پیدا کریں تاکہ وہ معاشرے کا فعال رکن بن سکیں۔ اس سے ملک کی تعمیر و ترقی میں ان کا کردار قابل بھروسہ اور مضبوط ہو گا۔یاد رکھئے بچے مستقبل میں قوم کے معمار ہوتے ہیں، اگر اُنھیں صحیح تربیت دی جائے تو اس کا مطلب ہے ہم نے ایک اچھے اور مضبوط معاشرے کے لیے ایک صحیح بنیاد ڈال دی ہے۔ بچوں کی اچھی تربیت سے ہی ایک مثالی معاشرہ وجود میں آتاہے اس لیے کہ ایک اچھا پودا ہی مستقبل میں تناور درخت بن سکتا ہے۔

نوشین انصاری

تقسیم جائداد پر خاندانی رشتوں میں بدگمانی اور اختلافات

چیزیں حیثیت نہیں رکھتیں، انسان بھی نہیں رکھتے، اہم ہوتے ہیں رشتے۔ جب ہم سے چیزیں چھین لی جائیں تو دل ڈوب ڈوب کے ابھرتا ہے۔ مگر جب رشتے کھو جائیں تو دل ایسا ڈوبتا ہے کہ ابھر نہیں سکتا، سانس تک رک جاتی ہے، پھر زندگی میں کچھ اچھا نہیں لگتا۔ رشتوں کی اہمیت انسان کی زندگی میں ایسے ہی ہے جیسے پودے کے لئے پانی۔ پانی کے بغیر پودے مرجھا جاتے ہیں ایسا ہی حال انسان کا ہوتا ہے کہ کوئی بھی رشتہ جب اس سے جدا ہوجائے تو وہ مرجھا جاتا ہے اس لئے رشتوں میں احساس کا ہونا ضروری ہے اگر احساس نہ ہو تو ہر رشتہ بے معنی ہوجاتا ہے۔ رشتوں کی اہمیت کو اگر سمجھا جائے تو ان کی حفاظت باغ میں لگے نازک پھولوں کی طرح کرنی پڑتی ہے کیوں کہ ہماری ذرا سی کوتاہی ان کو ٹہنی سے جدا کر دیتی ہے۔ رشتے خون کے ہوں یا مستقل،خاردار جھاڑیوں کی طرح ہوتے ہیں جو سائے کے ساتھ ساتھ زخم بھی دیتے ہیں۔بناوٹی رشتے تو موسم کی طرح بدلتے رہتے ہیں مگر خون کے رشتے کفن کی طرح اوڑھ لیے جاتے ہیں۔ رشتوں کا توازن برقرار رکھنے لیے ضروری ہے کہ ہم اپنے اندر نرمی،جھکاؤ اور برداشت کا رویہ پیدا کریں۔

اسلام نے اس حوالے سے جس اہتمام کے ساتھ احکام بیان کیے ہیں، اگر حقیقتاً مسلمان اُن سے آگاہ ہو جائیں، اُن پر اُسی طرح ایمان رکھیں جس طرح ایمان رکھنے کا حق ہے اور حقیقی طور پر اُن کا نفاذ کر لیں تو یقین مانیں ایک مضبوط، خوشحال اور باہمی محبت کا خوگر خاندان وجود میں آسکتا ہے۔ اسلام کی تعلیم یہی ہے کہ ایک مربوط و مضبوط خاندان کی تشکیل عمل میں آئے۔ اسلام میں خاندان کی بنیادی اکائیاں اگرچہ میاں بیوی ہیں مگر ان کے ساتھ ماں باپ، بیٹے بیٹیاں، پوتے پوتیاں، بھائی بہنیں، چچا اور پھوپھیاں، ماموں اور خالائیں بھی خاندان کا حصہ ہیں۔ اسلام میں خاندان سمٹا اور سکڑا ہوا نہیں بلکہ وسیع اور پھیلا ہوا ہے۔ یہ چچاؤں اور پھوپھیوں کی اولاد، ماموؤں اور خالاؤں کی اولاد پر مشتمل ہے۔ اسلام کا یہ اہتمامِ احکام بتاتا ہے کہ خاندان کا شیرازہ اس نظام میں متحد رہنا چاہیے کسی شاخ کو اپنی اصل سے جدا نہیں ہونا چاہیے۔

ہم اپنے معاشرے کا جائزہ لیں تو معلوم ہوگا کہ صورتِ حال اس سے بہت   مختلف ہے۔ رشتے دار آپس میں کینہ و کدورت رکھتے ہیں۔ دنیا کے مال نے بھائی کو بھائی سے جدا کر دیا ہے۔ یہ صورتِ حال اُس وقت تو اور زیادہ بُر ی ہو جاتی ہے جب معاملہ کسی وراثت سے حصہ لینے کا ہو۔ ہر کوئی لینا ہی چاہتا ہے دینا نہیں چاہتا۔ نتیجے میں جائداد کے حصے بخرے ہونے کے بجائے رشتوں کے حصے بخرے ہو جاتے ہیں اور خاندان ٹکڑوں میں تقسیم ہوجاتا ہے۔ یہ صورتِ حال کافی تکلیف دہ ہے۔ حالانکہ یہی رشتے اجنبی لوگوں کے ساتھ نہایت درگزر، بے پناہ محبت و الفت کرتے دکھائی دیتے ہیں۔ ان کے ساتھ کمال اخلاق، کشادہ ظرفی اور اعلیٰ انسانیت کا مظاہرہ کرتے ہیں، مگر اپنے ہی رشتے داروں کے دشمن بن جاتے ہیں۔ ایک چاہتا ہے کہ دوسرے کو گرا مارے، اُسے تباہ کرکے اپنا آپ سنوار لے۔ خدا کی قسم یہ حقیر دنیا اس قابل نہیں کہ اس کی بنا پر انسانوں کا قتل ہوتا رہے۔ بھائی اپنے بھائی سے دست و گریباں ہو اور تھانے کچہریوں میں مقدمات چلیں، پھر جیلیں اور قید خانے آباد ہوں۔ رشتہ دار اپنے رشتہ دار سے دشمنی مول لیں۔ یہ بات باعث افسوس ہے۔ 

ہمارے سماج میں یوں تو سارے رشتوں کی بڑی اہمیت ہے لیکن ان میں والدین سے جڑے رشتوں کی بڑی اہمیت اور حساسیت دیکھنے اور برتنے میں ملتی ہے۔ بہت سے گھروں میں جائداد کے حوالے سے خاندانوں میں اختلافات اس حد تک بڑھ جاتے ہیں کہ ان میں علیحدگی ہوجاتی ہے موت یا عید جیسے تہوار پر بھی وہ ایک دوسرے کی شکل دیکھنے کے روادار نہیں رہتے۔ دراصل رشتے احساسات سے جڑے ہوتے ہیں اگر احساس مرجائے تو ان ٹوٹتے بکھرتے رشتوں کی باریک باریک کرچیاں ایسے زخم دے جاتی ہیں جو رہتی سانسوں تک رستے رہتے ہیں اور ان زخموں کا مداوا نہیں ہوتا۔ دیکھنے میں آیا ہے کہ بعض گھروں میں چھوٹی چھوٹی باتیں خاندانی رشتوں میں بدگمانی کے ایسے سوراخ کردیتی ہیں کہ انسان ساری عمر ان سوراخوں میں وضاحتوں کی اینٹیں لگا کر بھی خوبصورت رشتوں کو نہیں بچا پاتا۔ ایسا محض اس لیے بھی ہوتا ہے کہ تعلق اور رشتے فرصت کے نہیں بلکہ عزت توجہ اور اہمیت کے محتاج ہوتے ہیں انھیں جتنی قدرومنزلت دی جائے اتنے ہی وہ گہرے اور مضبوط ہوتے جاتے ہیں، لیکن کیا ہے کہ ہم سب زندگی  کے مسائل، مصائب اور بکھیڑوں میں پھنس کر اپنے اہم خونی رشتوں کی خدمت سے محروم رہتے ہیں اور اس خدمت کا قرض کندھوں پر اٹھائے اپنی اپنی قبروں میں چلے جاتے ہیں۔

حالانکہ رشتے محبت، الفت، احساس ذمہ داری اور ایک دوسرے کے حقوق اور جذبات و احساسات کا خیال رکھنے سے مضبوط ہوتے ہیں۔ مگر آج کے دور میں رشتے ناتے اور تعلقات پائیدار نہیں وقتی لگنے لگے ہیں تو اس کی سب سے اہم وجہ یہ ہے کہ لوگوں میں رشتوں کا تقدس اور احترام باقی نہیں رہا۔ ہر شخص خود کو دوسرے سے بہتر تصور کرنے لگا ہے اور صبر اور برداشت کی کمی بھی بہت سے مسائل کو جنم دے رہی ہے۔ اب لوگ چھوٹی چھوٹی باتوں کو انا کا مسئلہ بنا لیتے ہیں جس کی وجہ سے مضبوط سے مضبوط رشتوں میں دراڑ پڑجاتی ہے۔ یہی وجہ ہے کہ آج اگر اپنے آس پاس نظر دوڑائی جائے تو ہر گھر بے سکونی اور ٹوٹ پھوٹ کا شکار نظر آتا ہے۔ہر گھر میں پریشانیوں نے ڈیرے ڈال رکھے ہیں۔گھروں میں سکون اورتعلقات کی مضبوطی کے لیے ضروری ہے کہ رشتوں کے تقدس کا خیال رکھا جائے۔ اس بات میں بھی دو رائے نہیں ہوسکتی کہ سب سے زیادہ مشکل جنگیں گھروں میں لڑی جاتی ہیں اور یہ جنگیں بہت ہی کٹھن ہوتی ہیں لیکن یہ ہمیشہ بے نتیجہ ثابت ہوتی ہیں اس لیے بھی کہ اپنوں سے لڑنے میں ہمیشہ ہار ہی ہوتی ہے۔ کاش ہر گھر کے مکیں اس صداقت پر یقین کر پاتے کہ زندگی کبھی آسان نہیں ہوتی اسے آسان بنانا پڑتا ہے کبھی برداشت کرکے اور کبھی کچھ نظرانداز کرکے۔ کیونکہ رشتوں میں جب دراڑ آجائے تو زندگیاں لگ جاتی ہیں انھیں پُرکرنے میں۔ ویسے بھی انسانی محرومیاں، بچپن کی زیادتیاں، بچپن کی مار اور بچپن کے سمجھوتے ہماری ذات کے خلا بن جاتے ہیں جو وقت گزرنے کے ساتھ ساتھ بڑے ہوتے جاتے ہیں، ہم کبھی اس خلا کو پُر نہیں کر پاتے۔ 

رشتوں ناطوں اور خاندانی نظام میں اتحاد واستحکام ہماری خوشگوار زندگی کے لئے از حدضروری ہیں۔ خوشگوار خاندان ہی ایک اچھے اور پْرسکون معاشرے کو جود میں لاسکتے ہیں۔ خوشگوار خاندان اور پْرسکون زندگی میں چولی دامن کا ساتھ ہے یعنی جن خاندانوں میں انتشار وپراگندگی ہو، ایسے خاندان سکون ومسرت کی دولت سے محروم رہتے ہیں، اس طرح ایسے خاندانوں کے افرادزندگی کی اصل دولت یعنی سکون سے محروم رہتے ہیں اورپھر زندگی جواصل سرمایہ ہے، ان کے نزدیک کوئی معنی نہیں رکھتی ہے او راس کااثر ان کی آنے والی نسل پر پڑتاہے اور وہ آنے والی نسل پھررشتوں کی اہمیت وحقیقت سے ناآشنا رہتی ہے۔ اس لئے رشتوں کا آپ میں مضبوط ہونا خاندان کی بقا کے لئے لازم وملزوم ہیں۔

رشتے ہمارے لیے ریڑھ کی ہڈی کی سی حیثیت رکھتے ہیں جس پر زندگی کی عمارت کھڑی ہوتی ہے۔ جائداد کی تقسیم پر خاندان کے تانے بانے کو بکھیرنا، رشتوں کو پارہ پارہ کرنا بہت ہلکا سوداہے۔یہ شیطان کی پیروی ہے اور شیطان انسان کو اکساتا ہے، سازشیں کرتا ہے، یہاں تک کہ رشتے داریاں تڑوا ڈالتا ہے۔ انسان تو دولت کا انبار چھوڑ کر چلا جائے گا کچھ بھی ساتھ نہیں لے جائے گا۔ انسان کو اپنے تعلقات ایسے بنانے چاہئیں کہ اُس کے بعداس کے اپنے  اُس کے لیے دعائیں کریں، اور یہ کام خاندان کے افراد کے ساتھ تعلق اُستوار کرکے ممکن بنایا جا سکتا ہے۔ اس لیے خاندان کی بقا، تحفظ اور نشوو ارتقا کی خاطر ان روابط اور تعلقات کے معاملے میں ہرلمحے خوفِ خدا سے کام لینا چاہئے۔ ان معاملات میں اپنی دانش مندی، دین داری اور دین پسندی کا مظاہرہ کریں اور اللہ کے قرآن اور رسولؐ کی سنت سے رہنمائی لی جائے۔

نوشین انصاری

جہیز ایک سماجی برائی ہے جس کا خاتمہ وقت کی اہم ضرورت ہے

 

    ہمارے معاشرے میں جہیز ایک لعنت، معاشرتی برائی اور ناسور بن کر خواتین کے وجود کی نفی کر رہا ہے۔ معاشرتی تقاضوں کو دیکھا جائے تو یوں محسوس ہوتا ہے جیسے شادی اور جہیز لازم و ملزم جزو ہے۔ جب کہ نبی پاک ﷺنے فرمایا نکاح کے لیے جو معیار ہے وہ دین ہے۔آجکل جگہ جگہ ایسی باتیں سننے کو ملتی ہے کہ فلاں کی بیٹی کی شادی اس شرط پر رکھی گئی ہے کہ ہمیں جہیز پہ یہ چیزیں چاہیے، ہم اتنے لوگوں کی بارات لے کر آئیں گے جس کی وجہ سے ایک باپ کے لیے بہت مشکل ہو جاتا ہے اپنی بیٹی کو رخصت کرنا.جہیز پر اسلام میں سخت پابندی ہے اور اسلام میں بھی مالی ذمہ داری شوہر پر عائد کی ہے۔ ”جہیز“ یہ ایک خالص ہندوانہ رسم ہے جس کا مقصد رخصتی کے وقت بیٹی کو اتنا کچھ دے دینا ہے کہ وہ وراثت میں اپنا حصہ نہ مانگ سکے لیکن اسلام میں اس کی کوئی حقیقت نہیں ہے۔ اسلامی احکام کے مطابق جو نکاح جتنا زیادہ آسان ہوگا، اتنا ہی بابرکت ہوگا۔ اس کے برعکس جتنی نمود و نمائش کی جائے گی اتنی ہی بے برکتی بھی ہوگی۔ چناں چہ کتنے ہی نکاح ایسے ہوئے کہ دلہن شادی کے چند دنوں بعد ہی طلاق کا داغ لیے اپنے باپ کے گھر آبیٹھتی ہے یا پھر جہیز کم لانے کی وجہ سے اُس کی زندگی کا چراغ ہی گُل کر دیاجاتا ہے۔

معاشرے میں اب ایک نیا سلسلہ کاروبار کی شکل میں سامنے آیا ہے کہ جتنا ہو جہیز ملے ہم کو۔ لوگوں کو اندازہ نہیں ہے جس باپ کی جوان بیٹیاں ہیں آج کے دور میں وہ کتنی مشکل میں زندگی گزار رہا ہے.اگر اچھے رشتے مل بھی جائیں تو لڑکے والوں کے نخرے آسمان کو چھو رہے ہوتے ہیں۔ کچھ لوگ تو ایسے بھی ہیں جو اپنی بیٹی کو کسی شہزادی سے کم نہیں سمجھتے اور دوسروں کی بیٹیوں کو لونڈیوں کی طرح سمجھتے ہیں۔بات بات پر طعنے دیتے ہیں کہ فلاں کے بیٹے کی شادی تھی ان کے جہیز میں اتنا کچھ آیاتم نے ہمارے خاندان کی ناک کٹوا دی۔ دیکھا جائے تو بہت ساری طلاقیں بھی جہیز کی لڑائی کی وجہ سے ہو تی ہے۔ اس وقت صورتحال یہ ہے جہیز نا ملنے کی وجہ سے غریب کی بیٹی کا رشتہ کوئی قبول نہیں کرتا۔ اگر کوئی سرمایہ دار کسی غریب کی بیٹی کی شادی کی ذمہ دار قبول کر بھی لے تو پورے علاقے میں خبر پھیل جاتی ہے فلاں کی بیٹی کی شادی ہے ان کے پاس جہیز کے پیسے نہیں تھے۔ ایسی شادیوں کو نمائش کے طور پر پیش کیا جاتا ہے اور غریب کی غربت کا تماشہ بنایا جاتا ہے۔

آخر لوگ کیوں جہیز کا لین دین کرتے ہیں؟ اس کی کئی وجوہات ہیں۔ معاشرے میں اپنی عزت و وقار برقرار رکھنے کے لیے جہیز دینا، اپنے مال کی تشہیر کرنا، دولت کی نمود و نمائش، شان و شوکت اور شہرت کا اعزاز حاصل کرنا ہے۔ بعض اوقات ایک دوسرے کی دیکھی دیکھا بھی جہیز دیا جاتا ہے۔ کچھ لوگ تعاون، ہدیے اور صلہ رحمی کے لیے بھی جہیز دیتے ہیں۔ خواہ اس کے لیے انہیں قرض ہی کیوں نہ لینا پڑے۔ جہیز کی رسم کئی ایک مفاسد کو اپنے اندر سموئے ہوئے ہے۔ مثلا ًمال کا ضیاع، گھر کی تباہی، عورتوں کی حقِ وراثت سے محرومی، کثرت طلاق اور لڑکی کی موت وغیرہ۔ اور یہ مفاسد کیوں نہ ہوں جب کہ جہیز کا مال خوشی سے دیا ہوا نہیں ہوتا۔ ایسے مال میں برکت نہیں ہوتی جس کی وجہ سے درج بالا مفاسد اکثر اوقات سامنے آتے رہتے ہیں۔

جہیز کا معاملہ اصل میں لڑکی والوں نے بھی خراب کیا ہوا ہے۔جھوٹی نمائش اور شان و شوکت کی خاطر شادی سے پہلے سجاسجایا جہیز وقت سے پہلے لڑکے والوں کے گھر پہنچاکر لڑکی والے اپنی حیثیت بتا تے ہیں۔ پھر یہی دیکھ کر دوسرے لوگ بھی کرتے ہیں۔ والدین بس یہ سوچتے ہیں کہ فلاں نے اپنی بیٹی کو جہیز میں یہ کچھ دیا ہے تو ہم اُس سے زیادہ دیں گے۔ چونکہ جہیز جیسی معاشرتی برائی کو ہر طبقے نے قبول کر لیا ہے اسی لئے اگر بیٹی والے سسرالیوں کی توقعات پر پورا اترنے سے چوک جائیں تو اس کا خمیازہ ان کی بیٹی کو ذہنی و جسمانی تشدد کی صورت میں بھگتنا پڑتا ہے۔ ہمارے معاشرے میں جہیز کی لعنت اتنی پھیل چکی ہے کہ لڑکا نکاح سے پہلے اپنے سسرال سے شرائط مقرر کرلیتا ہے کہ میں نے کار، موٹرسائیکل، فریج، ٹی وی وغیرہ اشیا بھی لینی ہیں اگر دے سکتے ہیں تو ٹھیک ورنہ میری طرف سے جواب سمجھیں۔نہ جانے یہ جہیز کے نام پر بکنے والے مرد حضرات جہیز لیتے وقت یہ کیوں بھول جاتے ہیں کہ کل کو ان کی بھی بیٹیاں بیاہنی ہوگی، کل کو وہ بھی ایسے ہی حالات سے دو چار ہوں گے۔اس لئے میرے بھائیو! کچھ غیرت مندانہ قدم اٹھائیں اور جہیز کے خلاف بولیں، کیونکہ  جہیز مانگ کر مال و اسباب جمع کرنا کوئی شریفانہ طریقہ نہیں۔ تمہاری عظمت اور تمہارا وقار اس میں ہے کہ تم کسی دکھی اور غریب و پریشان حال کے لیے ایک با عزت زندگی کا سہارا بنو اور اسے اپنی زوجیت میں لا کر اس کا دکھ، درد اور اس کا رنج و الم دور کرو، نہ کہ وہ خود اپنے جہیز سے تمہاری محتاجی و غربت کا علاج کرے۔

مسلمانوں میں جو لوگ بااثر، دین دار اور قومی جذبہ رکھنے والے ہیں انھیں حتمی طور پر اس جہیزکی لعنت کے خلاف صف آرا ہونا پڑے گا اور خصوصاً نوجوانوں کو اس راہ میں قربانی دینی پڑے گی کیوں کہ کل وہ بھی ایک بیٹی کے باپ ہوں گے۔ معاشرے میں مسلمانوں کی ایسی کئی جماعتیں ہیں جو کافی اثر و رسوخ رکھتی ہیں انہیں چاہئے کہ جہیز کے خاتمے کے لئے باقاعدہ مہم چلائے۔ نوجوانوں کے فکر و مزاج میں تبدیلی لائی جائے، تصورات  و خیالات، معاملات و عادات کو اسلامی و ایمانی رنگ میں ڈھالا جائے تب ہی جہیز جیسی لعنت اور اس سے پیدا ہونے والے مفاسد کا سد باب ہو سکتا ہے اور ان باتوں کو بروئے کار لانے کے لیے شہر شہر، گاؤں گاؤں، محلہ محلہ ایسی تنظیموں کا وجود ضروری ہے جو سماج میں موثر، مخلص اور و دردمند افراد پر مشتمل ہونے کے ساتھ سرگرمِ عمل بھی ہوں۔ اگر یہ تنظیمیں قائم ہو کر دلچسپی و سرگرمی کے ساتھ برائیوں کے خلاف بر سر پیکار رہیں تو ان کے ذریعہ بہت سے دوسرے اصلاحی و فلاحی کام بھی انجام پا سکتے ہیں۔ 

جس طرح ہمارے واعظ اور مقرر شدت کے ساتھ عقائد، ایمانیات، بدعات و شرکیات پر بیان دیا کرتے ہیں اس شدت کے ساتھ جہیز کے بارے میں بیان نہیں کرتے۔ مسلکی اختلافات پر فریقین جسطرح ایک دوسرے کے خلاف دندناتے ہوئے جلوسوں اور جلسوں میں مظاہرے کرتے ہیں، گرجدار شعلہ بیان تقریروں کے ذریعے ایک دوسرے پر کفر، شرک اور نہ جانے کیا کیا فتوے لگاتے ہیں وہی جوہرِ شعلہ بیانی کبھی جہیز کی لعنتوں کے خلاف نہیں صرف کرتے۔ ذرا غور کیجئے! ہمارے معاشرے میں لوگ ہزاروں لاکھوں روپیہ جہیز پر صرف کرتے ہیں اگر وہی روپیہ پیسہ لڑکیوں کی تعلیم پر لگایا جائے تو ایک بہترین معاشرہ تشکیل پا سکے گا اور مسلم قوم کی بیٹیوں کا اصل معیار سامنے آئے گا۔ تو آیئے! عہد کریں جہاں تک ممکن ہو سکے اس رسم کو ختم کرنے میں اپنا کردار اداکریں اور لوگوں میں اس کی حقیقت کا شعور بید ار کریں۔

نوشین انصاری